|
|
<母语>
我既母语系广东话，即系粤语。
哇，从细就讲广东话，e样野响娱乐生活里面直头系先天优势啦！因为香港文化基本就系粤语文化，完全可以“沟通无极限”。譬如星爷同罗家英讲：“人有人阿妈，妖有妖阿妈”，你如果唔识广东话就完全唔明了，“妖阿妈”谐左“丢那妈”(鲁迅响广州工作生活果阵曾经以此为题写左一篇文章嘎)既音，你会睇得好过瘾。相比之下，果条乜乜鱼(石斑瑜)直接翻译成“妖有妖他妈”，个中情趣尽失。以前广州通街系度唱“独自去偷欢，我自备一只碗”(华仔)同埋“二十六夜，二十旧番茄”(软硬)，可见香港文化对广州既影响到底有几大。
以前去买港产片既时候，我会好有要求咁对个档主讲：有冇粤语嘎？冇我就实挪番黎退个噃！e句话好有用，如果只系得国语配音档主一般都唔会俾我。不过最近e几年情况有变化－－买碟番屋企先至发现的确系有粤语配音，不过系广州人配音而唔系香港演员自己既原音－－所以我只能够下次去买碟既时候，用眼神同个档主讲果句经典野：顶你个肺！
其实世界一早就变左了。以前香港d明星重演技轻身材，譬如“细细粒，容易食”既翁美玲，几乎个个人都中意。宜家就唔系了，间间公司拣人都要“抵食夹大件”，睇下英皇就知啦，除左阿娇真系娇滴滴之外，其它容祖儿、Yumiko、梁洛施个个都神高神大，真唔知搏边范？总之一定要“索”，拿，李珊珊咁既身材就得导演中意了，搞到矮矮细细既林姗姗老左之后有样学样要增肥，筛气。
香港文化咁搞落去越来越冇瘾，电影冇野睇，电视好老土，乐坛冇新意。搞到我既粤语优势荡然无存。咁点算啊？好在，广州自己都有本土文化既！细个果阵睇《万花筒》，大个就睇《外来媳妇本地郎》。除左之外，网站仲有好多好野睇啊！香港既巴士阿叔红左之后，广州即刻就翻版左一个“广州巴士阿叔”，其后仲有“地铁阿婆”，最近又有“巴士靓女VS淫魔叔叔”(睇完你就知乜野叫“茅厕点灯－－找屎”了)，全部系广东话视频，真系粤睇粤过瘾。
所以话粤语文化几时都唔会落后，冇有怕！
(补充：拿拿拿，唔好话我e篇野错字多啊，系编辑阿叔话高考题要用母语写嘎，我又未受过正规粤语书写训练，你识睇就睇，唔识睇就冇晒计。88) |
|
IP卡
狗仔卡
发表于 2008-12-28 13:20:03
提升卡
置顶卡
沉默卡
喧嚣卡
变色卡
抢沙发
千斤顶
显身卡
发表于 2008-12-28 13:25:37
很难懂啊
