|
|
发表于 2007-8-5 11:15:22
|
显示全部楼层
.床边黑影:
首先讲到最经典,印象最深的一次.要数发生係大概五,六年级嘅时候啦.嘓时爸爸出差,我就同埋妈妈训(冇办法,胆小怕黑).本来係冇乜事嘅,但係唔知道训到几多点钟,我突然间醒咗,由于出面嘅灯光射入嚟,太耀眼(嘓时我下面係人人小三元夜宵),再加上人声鼎沸,就好难再训着啦.于是,我就係床上辘嚟辘去,双眼就自然睇嚟睇去啦.点知一睇就睇出咗嘢,我睇到我床对面有旧黑影係度飞嚟飞去,大概离地面2米左右.我有D惊讶,但係好奇心驱使我双眼牢牢锁定嘓个黑影. 终于,係下面灯光折射嘅帮助下,我睇出咗佢嘅轮廓:係一个类人嘅东西,上半身係似岩岩出世嘅BB仔,下面就係有条尾fing嚟fing去. 我当时捻:冇啩!咁都俾我遇上啊? 我以为就係发梦或者眼花啫!不过捻嚟捻去,发梦冇乜可能..唔通眼花?我擦咗几下下眼,再望过去,仍然係度窝. 跟住,我郁都唔敢郁,睇住佢想做乜. 佢一直係我对面徘徊,过咗一阵,佢就飞出去,好似飞去厅嘅方向.冇几耐,又飞翻嚟. 当时由于我训係妈咪隔离,勇气十足,就想起身开灯睇下佢庐山真面目.但係灯座偏偏死鬼远.我岩岩起得一半身,嘓旧嘢就发觉咗,立即转身面对住我,而且飞埋嚟,但係由于蚊帐嘅阻隔,佢係蚊帐面前停住咗,但係依然望住我. 我当时超感恐怖,虽然已经起得一半身,但係见到咁嘅情景,顿时僵住咗. 我一直保持住半起身姿势,郁到唔郁,直到佢飞翻出去. 事件就咁结束. 到底嘓旧嘢係乜嘢嚟呢?
2.天天老板
又係小学,我係一小嘅.当时四驱车,爆旋陀螺等等之类嘅玩具异常火爆.我都加入咗玩具一族,所以,我对一小条街D玩具店特别熟悉,而且经常去帮衬.
有一年大水,我同埋几个朋友过桥行去镇中嘓边.翻嚟嘅时候,嘓几个朋友係桥上面打玩,我嘓时赶住翻屋企,觉得佢地行得太慢,于是就走先. 行住行住,突然见有个非常特别嘅人出现咗.点解话佢特别呢? 咁係因为当时大水,D人冇乜地方行,都上桥过对面行下,顺便睇下水有几大. 桥上嘅人都係左上右落,我睇到嘓个人竟然係逆流而行!而且独一无二..你话特别冇? 我仔细睇下佢,发觉佢係天天店老板(某间我经常光顾的玩具店)窝~ OH ~ YEAH!我好耐冇见过佢啦!竟然係度见到佢!而且佢面色变好咗窝,白头发都冇咗. 我想上去同佢打招呼,但係我人天生胆小,最终都係放弃.佢好快就行过咗我,我拧转头望住佢. 又见到咗係我后面D朋友啦,我停低等佢地行埋嚟之后问佢地:见到天天老板冇?佢精神咗好多窝.! 同样係玩具爱好者嘅朋友笑咗笑:你讲嘢啊? 天天老板都冇係度啦! 我疑惑:乜嘢冇係度? 朋友:瓜咗啦!佢瓜嘅时候我仲上咗佢屋企嚟.老板娘哭得好犀利. 我惊讶:虾~!!!咁我岩先仲见住佢窝!!! 朋友:哈哈~ 讲笑啊? 我顾无上咁多,将目光转移到岩先望天天老板嘅角度,竟然冇咗佢嘅踪影.目光再係人群之中搜索,真係搵唔翻佢咯窝~! 睇住朋友坚定的表情,我又捻起之前天天老板苍白的面容,疾病缠身的状态. 我又冇乜可能认错啊?毕竟我花咗差唔多两旧几水係佢间店. 晕死,莫非我大白天见鬼? (由于天天老板同埋老板娘都係梧州搬嚟江口开店,冇亲戚,做嘓D仪式更係要叫多几个人,呃都要呃到人嚟啦,再加上我朋友同埋佢地个仔好熟,作为熟人去佢屋企都符合情理)
3.无名怪风
呢件事发生係读紧初三嘅时候.有一晚大概八九点钟,我係我房间睇紧书,虽然环境比较暗,净係开住台灯,但係加上出面客厅盏灯散射入嚟D光,都足够啦.! 睇下睇下,突然间一阵好大嘅狂风吹咗入我房间,之前冇D征兆!!窗帘都俾吹晒起身,跟住"嘭!"一声,房门俾风吹关咗.由于房门遮挡咗客厅灯光,我房间暗咗好多.我当时就觉得有小小奇怪,想行去开房灯. 之后,最令我惊讶嘅事发生.! 我先係按光管嘅灯挚,过咗几秒光管都冇反应!我开始害怕嘞~(当时我仲未开房门) 试埋灯泡只挚,亦都冇反应! 然后我讲两只灯挚关上,再开翻,情况依旧.! 我捻係保险丝问题,但都冇可能同时2条保险丝出问题啩!?我用力拍下保险丝,再试下灯挚,一样冇反应!!! 我当时好惊,立即用力打开门跑出去,同时,个门又俾关上咗. 我跑出到厅,见到嫲嫲係阳台出面翻紧入嚟,因为阳台同埋我间房窗口面向的方向差唔多一样,我间房俾风吹,阳台应该都俾吹到啩~ 于是我问啊嫲:"出面係未好大风?" 点知道佢竟然问:"出面有风咩?" 我出咗一身冷汗.. 我一直都唔敢再打开房门,知道我爸爸翻嚟,我同佢讲:"我房间个灯挚坏咗." 我跟住我爸爸打开房门,我睇到入面仍然好黑,净係有台灯嘅灯光. 爸爸试咗下灯挚,一切正常..
4.朦胧之中
呢件事就唔敢确定係未真实,冇办法啦,发生嘅时候训住觉,朦朦胧胧.不过都係讲下啦.!前2个星期,半夜训紧觉,又係突然间醒咗(今次係自己训嘅),朦朦胧胧中见到有个披住好大件白色披风的骷髅经过我床边,好似係向我书台啯边移动,我就係睇到佢上身,而且佢好高,同埋我房门高度差唔多.我当时捻,就算係鬼都冇理咁多啦,训觉最紧要,死就死啦! 之后过咗2秒咁上下,我又训翻嘞. 第2日早上起身捻翻琴晚啯件事,觉得亦真亦幻,唔敢肯定当时係未发梦.
我QQ空间转下来的 用广东话写的 不想再翻译成普通话 见谅.
http://121859021.qzone.qq.com 有空来踩踩
[ 本帖最后由 zjingchen 于 2007-8-5 11:28 编辑 ] |
|
楼主: 南昌徐麟
IP卡
狗仔卡
显身卡
:kun:
