|
|
好多人都有自己的畢生經歷,但與一群人共享應該不會多，且大家在敘會時不時拿出來回味一翻亦為一樂事也!
我記得在2006-12-2日在有線的"怪談"節目我擔任嘉賓時，曾經講過被鬼上身的人在驅鬼的過程中會出現失禁的情況，我道出此語皆因這是我的恐怖驚歷。
記得0向我學習神功的初期,對鬼神之說的信服程度不多於三成,拜師全因為好奇心驅使。當時大約係十九年前，我對神功中的驅鬼知識亦只限於皮毛，甚至在神功門之教底(級數)在於初班,但因為膽粗粗及追求對神功門之疑惑,所以自蔫要跟隨師叔及大師兄同行，一行數人在館口由師傅訓示，他講及有一名女子於拜山時講0左D對鬼神不敬的說話，所以俾十一個靈體上0左身,並訓示我們應該點樣對付。
一行人由我駕車駛進屯門，心情一直繃緊,突然電話響起，原來當事人的丈夫致電俾師傅,被鬼上身的女子突然從家中取了一大堆米和公仔麵逐家拍門話送畀人家。只聽到師傅講:"由得佢啦，你唔使理佢".我不明就裡便向師傅問個女人做乜週圍派麵派米呀?師傅話:"佢知道我地去緊搞佢,就週圍吹雞拖馬囉".聽完之後真係由個心震到出0黎,仲楂緊條高速公路潻,真係怕撞埋車都到唔到。
我們一行人終於到達屯門某一個屋村的單位,內裡大約三佰呎左右,近門口處間有一個房間,向當事人的丈夫了解後師傳便帶著我們進入該房間內,當時見有一名年約三十五歲的女子仰卧而睡在床上,他身形較為肥胖,蓄短髮,身穿睡衣,雙目緊閉,樣子祥和,我心想:"唔係好得人驚啫,又話到鬼死噤恐怖,係咪黐線婆嚟嘅!"當時我由繃緊的心情完全放開了.
師傳終於開聲了,他用好細聲語調講:"嗱!你地佔用人地嘅肉身,究竟有乜嘢要求可以開聲,但你地必須離開呢個人嘅身體."呢個女人突然掙大雙眼我見佢瞳孔放大並用好沙聲粗氣的語調大聲講:"我做乜嘢要走呀!呢到係屋企,我唔會走,"當時我見她一掙大眼及一把老牛聲已把我心情由谷底抽返上嚟,全身似在作戰狀態.
師傳就答:如果你地堅持唔走嘅話我地就對你地唔客氣唻喎!"依然係個把好粗氣而大聲的老牛聲講:"我點都唔走既肋,呢度我屋企點解要我走."跟住見此鬼上身女子又再次合埋雙眼等開戰的模樣.師傳就叫我們各人捉住她的雙手,我於是立刻用雙手㩒住其中一隻手,我感覺其極力掙扎,但唔算大力,不及我在工作上控制啲酒鬼那麼用氣力.師傳跟住就攞?支預先帶嚟嘅水灌落去鬼上身女子個口度,据說呢樽水係用五種天然水(分別:井水.河水.海水.溪水及簷前滴水）。
前四种天然水份皆有能力辦到，但簷前滴水唔落雨點算，因為此水必須要天然雨水滴在簷篷流下而取之，原來在接到柯打時已趁落雨取得，跟住由師傅在壇前再加上符令口咒。
回說當時情況，師傅將水灌入上身鬼口中，但見上身鬼緊閉牙關，極力掙扎。師傅拿起左手兩指用力緊叉臉頰令口部豋時打開缺口並將燒酒樽盛有半支五類水全數倒入口內，上身鬼大約掙扎一分鐘就靜止0左，但我們仍不敢放手,再過約兩分鍾見上身鬼仍緊閉雙目及無動靜於是放手並舒一口氣仲以為咁容易就收工。但氣都末透完就聽到上身鬼用一把女高音大聲講0野:"你地殺0左我個仔;我點都唔會放過你地既" 跟住就見被上身女子在床上震斗。雙手雙腳屈曲地動。嘩!.......嚇到我呢個驅魔新丁魂魄都唔齊，全身毛管登到行晒，立即同師叔及師兄退返出門外，行返埋師傅度先無咁驚。
定過神來睇見上身鬼無追出0黎，於是就問師傅:"佢做乜話我地殺0左佢個仔呀?"師傅話:"佢身上面總共有十個靈體，但係其中一個係大肚女鬼，頭先個D符水唔可以令到佢地滅亡或離開驅體，而作用係削弱佢地D靈氣，因為個鬼BB靈氣太弱,所以巳經散0左魂魄,陣間你地三個輪流入去用天蓬咒口念，再用劍指打向上身鬼。
我們同行三人包括師叔、大師兄等一同進入房間內，我們並排而企而面對仰臥而睡的上身鬼，首先由輩份高的師叔首先出手，我見他伸出右手用中指及食指指向上身鬼並口念:"天蓬、天蓬、九元殺童，五丁都司，高力北................"我見上身鬼仍然緊閉雙目，並無任何動作。說時遲、那時快，天蓬咒念完,聽到師叔大叫一聲"噓"用力向上身鬼一指，"呠"....一聲由上身鬼的女子身体發出，跟住我就聞到惡臭，我與師叔、師兄互望，嘩......賴屎呀...!臭得好厲害，頂唔順,三人立即衝出廳。
師傅又鬧:"你地攪乜鬼0野呀!"我對師傅講:"好臭呀!師叔用天蓬咒打到佢標屎，臭到頂唔順呀!"師傅於是通知受害者的丈夫先行清理。呢段時間較為空閒,對上身鬼靈界D野摸不著頭腦，於是問0下師傅"點解隻上身鬼掙開隻凶眼一次，跟住就算俾我地施咒打都係瞌埋眼。"師傅話:"呢D就係平時成日飲既百日水及做禡食既護身符功效，神壇弟子出外做事体內必有金光，一般的靈體都怕左呢D金光，可況出門時巳啟師有呢單工程。"咁點解佢又訓0向度唔郁0既?"
但事主丈夫走埋黎講話已經清潔好，師傅無答我並叫我地繼續施咒。進入房內見上身鬼依然模樣，但就換了新睡衣。呢次輪到師兄出手，他口中念念有詞:"天蓬天蓬九元殺童........"仍然是用右手劍指帶咒而出，念到最後一句"萬鬼自消，吾奉太上老君.........."見師兄用腳大力一踏，見劍指一伸而出。呠......又一聲!跟住又聞到惡臭,上身鬼又被天蓬咒打到標屎，我們都唔知點箅，唯有又行返出廳對主人家講你太太又賴屎唔該你再清潔0下。
事主丈夫無奈地又要進行清潔。終於輪到我出手了,進入房內上身鬼已換上另一條睡褲。但仍殘留一點糞便的氣味，認真難受。師叔及師兄巳令上身鬼內之靈魂數目遞減，但我仍是神壇初哥，莫說驅鬼治邪，連一般治病的符咒都一知半解，但因最初膽粗粗體驗神功力量，故必須硬著頭皮頂硬上。
我首先已將滾瓜爛熟的天蓬咒念起來，並同樣用劍伸出指住上身鬼口念"天蓬、天蓬、九元殺童，但感覺劍指所出飄浮無力無氣，完全冇信心，故一路念天蓬咒時，手指便立即轉動將雙手中指互疊，食指指尖相碰，再將雙手的拇指向前一推遂變成本 門手印茅山結。當念到最後一句"萬鬼自消"時再左腳用力一蹅，"噓"一聲。聽到上身鬼"呠"一聲再一次標屎，我立即歡喜若狂，衝出廳向師父報告說"佢又標屎0牙"!!!
短短半小時內三輪的標屎，在生理上絕無可能發生，莫非親見目擊，那會有我今天的法道成長。返回當時情況，經清理後師父說仍有靈體附身，再繼續念咒。今次師叔再次出手，同樣用劍指念天蓬咒，我在旁監視。今次情況不同，上身鬼有所動作，她將雙膝拉起，並用雙手放在腰旁，雙手緊扣褲頭，突然用力將睡褲及底褲拉低褪至膝蓋位，舉起雙腳,露出下体再轉過身來向正我們兩人，心知不妙立刻逃走，當近房門就聽到一聲長響"呠.............."嘩..噴屎呀..............
真係走慢D都一褲屎，好彩留心睇住佢拉條褲落黎有所警惕.終於同師叔避過一劫。
師傅見我地衝出黎咁急立刻緊張問發生乜野事，我立刻陳述被襲過程，師傅反應就是:"挑"你地真係無鬼用架。跟住就立即向房口衝過去，我心諗:"師傅，你唔通想睇下人地著翻褲末"但師傅去到門口又返轉頭叫事主丈夫清潔左先，原來是一時衝動o者。我錯,自收一件"澎",學道者唔好心存歪念。
呢次真係臭氣勳天，我地響廳面都頂唔順走o左出騎樓塊面向住個街黎透氣，但最慘都係佢屋企人，除o左丈夫清潔外，另外受害人的仔女及姊妹都默默低頭無語，有些仲係度抹緊眼淚，輕挑的我立刻起有憐泯之心。
趁呢家空檔仲唔解決心中疑難呀!問:"師傅,點解隻鬼凈係識賴屎及噴屎既,佢又唔反抗，又唔起身，真係諗極都唔明???"師傅就解釋:"陰靈唔同凶神惡煞，陰靈末聚形機本係無法力，佢地上身都係想攝人地個魂魄聚形嗜，依家佢地咁多隻鬼上晒身，巳經同個被上身既人融合左，連走都走唔出黎,所以就希望訓係度聚合班鬼既能量睇下頂唔頂得住，但係因為天蓬咒既力量好勁，所以佢地根本頂唔順就俾你打散晒。","咁依家仲有幾多鬼響佢身"我問;師傅就話:"依家大約仲有3個響度，但唔好打散晒佢地，要留低一個靈体嚮身，因為如果無晒靈体，佢個身就連魂魄都無晒會死或者痴架"呢埸實戰真是令我獲益良多。
凊潔完畢見床單都換埋，但仍殘留半點屎臭味。呢次師傅帶頭進入房內並命令師叔念天蓬咒，師叔再拿起劍指念起天蓬咒，呢次上身鬼口中喃喃自語......................
上身鬼口中念念有詞，我在好奇下細心聽o下佢講乜野，就聽到:"五丁都司，高力不翁你班死老頭"，嘩..神仙都敢鬧。跟住就見上身鬼有所動作，將雙手緊握褲頭,又係招玩除褲噴屎。我立刻有所行動準備走人，但見師傅出手將上身鬼雙手拉上頭頂位置並大聲喝:"亞神，快D念咒"("亞神"是我師叔的化名)亞神師叔不敢怠慢並快念:"天蓬天蓬九元殺童五丁都司高力北翁長.........."今次見上身鬼慘叫凄厲，並大聲講;"鳴......你殺死我全家，我實搵你地報仇."當時聽見她的慘叫真係心都寒埋,但見其仍動彈不得，當時的我立即起有憐憫之心。
舜間天蓬咒念畢，我見上身鬼毫無動靜，一切好似回復平靜一樣。我見受害人微微張開眼睛，並無先前的兇獰眼神，於是我用手輕拍苦主面部並慰問道:"你無事o丫嗎?"聽到一副柔弱無力的聲音說:"我無事，但係我想去廁所."師傅終於放開雙手，但見苦主並無半點氣力，連起床都不能。我通知害主丈夫並由其家人摻扶苦主到廁所，我見苦主只能被拖行，連腳掌都不能放落地。師傅表示因為靈体巳除十個，連同事主的氣魄都消失了，所以苦主沒有半點氣力;另外尚有一個靈体在身係避免苦主失魂而變瘋癲。我就問:"咁呢個靈体點算呀?"師傅表示靈体已不成氣侯，遲D飲D符水就得既啦.
事件的由來在苦主凊醒及康復後說出因由，据她說是因為上山修墳時而破壞其它的山墳而引起是次鬼上身的遭遇，事後感到好後悔亦將會到山墳拜祭及道歉，事件亦告一段落。是次的驅鬼行動令到我對神鬼之說確確實實存在於空間內，亦影響到我日後對鬼神應有的尊重。 |
|
IP卡
狗仔卡
发表于 2007-8-11 15:02:59
提升卡
置顶卡
沉默卡
喧嚣卡
变色卡
抢沙发
千斤顶
显身卡
发表于 2007-8-11 19:17:39
发表于 2007-8-11 19:42:18
